1959: Stadt in Aufruhr - Die Auflösung des Amtsgerichts

10.12.2021 19:16

Franz Senft: "Da is viel zammakemma damals. Es war’n ja ned bloß die vielen ned eighaltnen Versprechungen wegerm Amtsgricht. Zum Beispiel mit’m Bau von da Doanabruck auf Pfatta hat ma uns a immer wieder vertröstet. Koa Resolution hat was gholfa."

Hans Radtke: "Ja und mir ham ja ned bloß Resolutionen gschrieben. Mit’m Franz seim neier Ford samma auf Minga ins Ministerium gfahrn. Nix hat’s gholfa. Mei, i woaß no, der Kühler war undicht. Mit’m Gummistiefel hamma allaweil a Wasser gholt und nachgfüllt."

Karl Völkl: "I bin damals a ganz junger Lehramtsanwärter gwen. Wollt ma nix z’Schulden kemma lassen und bin ned auf die Versammlung ganga. Am andern Tog bin i mid meim Motorradl nach Bernhardswald in d’ Schul gfahrn. Kurz vor Wiesent kimmt ma d’Polizei entgegen. Nachad bin i doch neigierig worn und steh bliem. Kimmt a Polizist daher und sagt, dass er ganz überrascht is, dass eam z’Wörth a Brotzeit verkauft ham.“

Zurück